დრამა ქუთაისში - "ტორპედო" ეროვნულ ლიგაში დარჩა

12 დეკემბერი 2021, 21:49 1405 ნახვა

ქუთაისის "ტორპედო" ეროვნულ ლიგაში დარჩა. რამაზ შენგელიას სახელობის სტადიონზე "ტორპედომ" საპასუხო მატჩში მარტვილის "მერანი" მიიღო და დამატებით დროში დაამარცხა.

შეხვედრის წინ "ტორპედოს" პირველი მატჩი გასვლაზე 2-0 ჰქონდა წაგებული, ამიტომ რთული მისიის შესრულება უწევდათ.

პირველი ნახევარი უგოლო ფრედ 0-0 დასრულდა.

მეორე ტაიმში 64-ე წუთზე მათე ცინცაძემ ანგარიში თერთმეტმეტრიანი დარტყმით გახსნა და იმერლებს შანსი მიეცათ.

87-ე წუთზე ალეკ მუდიმუმ ანგარიში ორამდე გაზარდა და ძირითადი დრო 2-0 დასრულდა.
გამარჯვებულის გამოსავლენად მატჩში დამატებითი დროს დანიშვნა გახდა საჭირო.

102 წუთზე ახვლედიანმა მესამე გოლი გაიტანა და რიონისპირელებმა ეროვნულ ლიგაში ადგილი შეინარჩუნეს.

დღეს კიდევ ერთი მატჩი გაიმართა, სადაც "გაგრამ" ქობულეთის "შუქურას" 1-0 მოუგო და ეროვნული ლიგის საგზური მოიპოვა.

სეო წილოსანი

სპორტული ჟურნალისტი