კორონავირუსის 4212 ახალი შემთხვევა და ვაქცინაციის დაბალი ტემპი

14 ოქტომბერი 2021, 15:39 971 ნახვა

აჭარაში კორონავირუსის გავრცელების გამო სკოლების გახსნიდან ათ დღეში 75 კლასი სწავლების ონლაინ ფორმატს უბრუნდება,ერთი სკოლა სრულად დაიხურა, ასევე სააღმზრდელო პროცესი შეჩერებულია  4 ბაღში. ბოლო დღეებში  ახალი შემთხვევების რიცხვი მზარდია. ვითარებას კიდევ უფრო ამძიმებს ის,  რომ ვაქცინაციის ტემპი ყოველდღიურად იკლებს და  შედეგად სრულად ვაქცინირებული მოსახლოების მხოლოდ 31%-ია, ერთი დოზით კი 35%.  დაბალი იმუნიზაციის ფონზე იზრდება ინფიცირების და ლეტალობის შემთხვევები.  კორონავირუსი კიდევ  4 ათას 212 ადამიანს დაუდასტურდა, მათგან 134 აჭარაში.  გარდაიცვალა 38  მოქალაქე.  ბოლო დღე -ღამეში აცრა გაიკეთა აჭარაში 550-მა მოქალაქემ, ქვეყანაში კი  6 ათას 110-მა.  აჭარაში ორშაბათიდან 5 სოფელში ვაქცინაციის მარათონი დაიწყება.

მზია მართალიშვილი
ჟურნალისტი

ამავე კატეგორიაში