ქობულეთის ცენტრში არსებული შადრევანი სამი წელია არ ფუნქციონირებს

24 ივლისი 2018, 00:00 2249 ნახვა

ქობულეთის ცენტრში არსებული შადრევანი სამი წელია არ ფუნქციონირებს. მერიამ 2 თვის წინ ბიუჯეტის ცვლილების დროს 11 ათას 375 ლარი გამოყო, თუმცა შადრევანს რეაბილიტაცია ისევ არ ჩატარებია. მერიაში აცხადებენ, რომ ტენდერი გამოცხადდა, თუმცა შესაბამისი პრეტენდენტი არ გამოჩნდა, რის გამოც ორივეჯერ ჩაიშალა. ამჯერად შადრევნის მოსაწესრიგებლად ტენდერი მეორედ არის გამოცხადებული, რომელიც სამ დღეში უნდა დასრულდეს.

ტენდერის მეორედ ჩაშლის შემთხვევაში მერიამ შესაძლოა პირდაპირი შესყიდვის უფლება მოითხოვოს. აიპი „გამწვანების სამსახურის“ ხელმძღვანელი, რომელსაც შადრევნის მოვლა- პატრონობა ევალება ამბობს, რომ სიძველისგან დაზიანებულია წყლის სატუმბი ძრავი, ასევე გაყვანილობა და განათებები შადრევნის ირგვლივ.