ბასილაშვილმა მადრიდის მასტერსი მოგებით დაიწყო

03 მაისი 2022, 10:07 583 ნახვა

ქართველმა ჩოგბურთელმა ნიკოლოზ ბასილაშვილმა მადრიდში დაწყებულ მასტერსზე პირველი წრის გავლა მოახერხა. საქართველოს პირველი ჩოგანი საწყის შეხვედრაში 34 წლის იტალიელ ფაბიო ფონინის დაუპირისპირდა და საათსა და 21 წუთში 7:5, 6:4 დაამარცხა.

ბასილაშილმა გამოცდილ იტალიელ ჩოგბურთელთან ურთიერთშეხვედრებში წონასწორობა აღადგინა.  უკვე ცნობილია, რომ მე-2 წრეში ბასილაშვილის მეტოქე მე-7 ნომრად განთესილი ესპანელი კარლოს ალკარასი იქნება, რომელსაც ბოლო პერიოდში საოცარი პროგრესი აქვს და უკვე მსოფლიოს მე-9 ჩოგანია. ბასილაშვილი 18 წლის ტალანტს გასულ წელს როლან გაროსზე შეხვდა და მაშინ უშანსოდ - 4:6, 2:6, 4:6 დამარცხდა.

ბასილაშვილისა და ალკარასის შეხვედრა ხვალ გაიმართება.

აჭარის საზოგადოებრივი მაუწყებელი
ადმინისტრატორი

ამავე კატეგორიაში