25 თებერვალი არ არის დამარცხების დღე, ამის შემდეგ მოვიდა გამარჯვება, როცა აღდგა საქართველოს დამოუკიდებლობა - პრეზიდენტი

25 თებერვალი 2021, 11:59 745 ნახვა

25 თებერვალი არ არის დამარცხების დღე, რადგან ამის შემდეგ მოვიდა გამარჯვება – 1991 წელი, როცა აღდგა საქართველოს დამოუკიდებლობა-ამის შესახებ სალომე ზურაბიშვილმა განაცხადა.

პრეზიდენტმა საქართველოს თავისუფლებისა და დამოუკიდებლობისათვის ბრძოლაში დაღუპულ მებრძოლთა მემორიალი გვირგვინით შეამკო და იუნკერებს მიმართა.

„გამარჯვებაა ის ფაქტი, რომ დღეს მე იმ ემიგრაციის წარმომადგენელი ვდგავარ თქვენ წინაშე, როგორც თქვენი პრეზიდენტი და თქვენ ხართ იმ გმირი იუნკერების სამართალმემკვიდრენი, რომლებიც ტაბახმელასა და კოჯორში იბრძოდნენ. ისინი დღეს თქვენით, საქართველო კი, მათი გმირობით ცოცხლობს და მისი დამოუკიდებლობა უკვდავია. გაუმარჯოს დაღუპულ გმირებს, გაუმარჯოს დამოუკიდებელ საქართველოს“, – აღნიშნა სალომე ზურაბიშვილმა.

აჭარის მაუწყებელი

სოც. ადმინისტრატორი