მაშველებმა ჩანჩქერთან ახლოს დაკარგული მოსწავლის ცხედარი იპოვეს

27 მაისი 2019, 11:38 5264 ნახვა

საგანგებო სიტუაციების მართვის სამსახურის ინფორმაციით, ლაგოდეხში, „ნინოსხევის ჩანჩქერის“ მიმდებარე ტერიტორიაზე, მდინარეში ჩავარდნილი 16 წლის გოგონას ცხედარი იპოვეს.

მაშველებთან ერთად მოსწავლეს დღეს დილიდან მყვინთავებიც ეძებდნენ.

''ცუდი ხილვადობის, სწრაფი დინების და რთული მეტეოროლოგიური პირობების მიუხედავად, საძიებო სამუშაოები მთელი ღამის განმავლობაში უწყვეტ რეჟიმში მიმდინარეობდა როგორც ზედაპირული - სახმელეთო დათვალიერებით, ისე წყალში'' - წერია გავრცელებულ ინფორმაციაში.

მოსწავლეები ლაგოდეხის ნაკრძალში ექსკურსიაზე იმყოფებოდნენ, რა დროსაც ერთ-ერთი მათგანი მდინარეში ჩავარდა და იქიდან გამოსვლა ვეღარ შეძლო.

მომხდარზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

აჭარის მაუწყებელი

სოც. ადმინისტრატორი