საზოგადოებრივი მაუწყებლის ბორდის დაკომპლექტება - განხილვა ბიურო სხდომაზე

05 მარტი 2018, 00:00 1911 ნახვა

“ამოცანა არის, რომ საზოგადოებრივმა მაუწყებელმა შეიძინოს სოციალური გავლენა, რომ მკვდარი გავაცოცხლოთ,” - ამის შესახებ საქართველოს პარლამენტის თავმჯდომარემ პარლამენტის ბიუროს სხდომაზე განაცხადა. მისი თქმით, მიუღებელია საუბარი იმაზე, რომ არხის მიმართ ნდობა მცირდება.

ბიუროს დღევანდელ სხდომაზე ირაკლი კობახიძე საზოგადოებრივი მაუწყებლის გარშემო განვითარებულ პროცესებს გამოეხმაურა და განმარტა, რომ სამეურვეო საბჭოს წევრობის კანდიდატების შესარჩევი საკონკურსო კომისიის შემადგენლობის ნახევარზე მეტი შეცვლილია.