რუსეთში დაბლოკეს რადიო თავისუფლება, BBC და Meduza

04 მარტი 2022, 14:58 1445 ნახვა

რუსეთში დაბლოკეს კიდევ ორი თავისუფალი მედიასაშუალება – Radio Liberty და Meduza. შეიზღუდა წვდომა BBC-ის რუსულ ბიუროზე.

''რადიო თავისუფლების'' ვებსაიტის გახსნა შეუძლებელია რუსეთის ტერიტორიაზე. მანამდე რედაქციამ მიიღო რამდენიმე შეტყობინება, რომელშიც რეგულატორის მხრიდან შესაძლო ბლოკირების შესახებ იყო ნათქვამი.

3 მარტს მიღებულ შეტყობინებაში ნათქვამია, რომ რადიო თავისუფლების რუსულ სამსახურში აღმოჩენილია „არასანდო საზოგადოებრივი დანიშნულების ინფორმაცია, რომელიც ვრცელდებოდა, როგორც სანდო ინფორმაცია".

მანამდე, რუსეთის დამოუკიდებელმა ტელეარხმა „დოჟდ"-მა მაუწყებლობა შეაჩერა. გადაწყვეტილების შესახებ გუშინ ტელეკომპანიის გენერალურმა დირექტორმა და არხის მფლობელმა ნატალია სიდნეევამ განაცხადა.

პროკურატურის შუამდგომლობის შემდეგ დაიხურა რადიო „ეხო მასკვი“.

რუსეთში დაბლოკილი მედიასაშუალებების ნაწილი ტელეგრამზე მაინც აგრძელებს ინფორმაციის გავრცელებას.

აჭარის მაუწყებელი

სოც. ადმინისტრატორი