ისრაელში კოვიდ-19-ის ახალ შემთხვევათა ანტირეკორდი

10 აგვისტო 2021, 18:10 18841 ნახვა

ისრაელში გასულ დღე-ღამეში 2021 წლის თებერვლის შემდეგ კოვიდინფიცირების რეკორდული მაჩვენებელი- 6 ათას 275 ახალი შემთხვევა დაფიქსირდა. ამ დროისთვის ქვეყანაში კორონავირუსის 35 ათას 466 აქტიური შემთხვევაა. ისრაელში კორონავირუსის წინააღმდეგ ვაქცინაცია ამერიკული კომპანია ფიზერ–ის პრეპარატით გასული წლის 20 დეკემბერს დაიწყო.

ისრაელის ჯანდაცვის სამინისტროს მონაცემებით, დღეისათვის ისრაელის 5 მილიონ 800 ათასმა მოქალაქემ ერთი დოზა მიიღო, სრულად აცრილი კი - 5 მილიონ 400 ათასია, რაც მთლიანი მოსახლეობის დაახლოებით 58% შეადგენს.

ისრაელში 60 წელს გადაცილებული პირების კორონავირუსის საწინააღმდეგო ვაქცინის მესამე დოზით აცრა დაიწყო. 8 აგვისტოდან ქუჩაში პირბადეების ტარება ისევ სავალდებულო გახდა.

აჭარის საზოგადოებრივი მაუწყებელი

ადმინისტრატორი