ისრაელი კოვიდშეზღუდვებს უბრუნდება

10 აგვისტო 2021, 14:54 5587 ნახვა

კოვიდ-19-ით ინფიცირების შემთხვევების მკვეთრი მატების ფონზე ისრაელის მთავრობა კოვიდშეზღუდვებს უბრუნდება. დღე-ღამეში ქვეყანაში 4 ათასამდე ახალი შემთხვევა დაფიქსირდა.

პრემიერ-მინისტრის ნაფტალი ბენეტის განცხადებით, სიტუაცია ისევ სერიოზულია. ინფიცირების მაჩვენებლები იზრდება, ტესტების 4% დადებითია, ხოლო დაავადების მძიმე ფორმების რაოდენობა ორმაგდება.

სავალდებულო ხდება პირბადეების ტარდება, რომელიც რამდენიმე კვირის წინ დახურული სივრცეებისთის აღდგა, დღეს უკვე ნაწილობრივ ღია სივრცეებზეც ვრცელდება, იმ შემთხვევაში, თუ ღონისძიებას 100-ზე მეტი ადამიანი ესწრება. მასობრივ შეკრებებზე მხოლოდ აცრილი ან გამოჯანმრთელებული მოქალაქეები დაიშვებიან.

საჯარო სამსახურებში თანამშრომელთა ნახევარი ისევ ონლაინ-რეჟიმზე გადადის, მომავალი კვირიდან ისრაელის მოქალაქეები, რომლებიც 40 ქვეყნიდან დაბრუნდებიან, სავალდებულო კარანტინს გაივლიან.

უცხოელი ტურისტებისთვის ქვეყანა კვლავ დახურული რჩება.

აჭარის საზოგადოებრივი მაუწყებელი

ადმინისტრატორი