24 ივლისს საქართველო "ფაიზერის" ვაქცინის ნახევარ მილონ დოზას მიიღებს

22 ივლისი 2021, 19:25 16014 ნახვა

აშშ-ის მთავრობის მიერ საქართველოსთვის საჩუქრად გადმოცემული „ფაიზერის“ ვაქცინის 500 ათასი დოზა საქართველოში შაბათს იქნება, – ამის შესახებ საქართველოს მთავრობის ადმინისტრაციაში განაცხადეს.

შეგახსენებთ, ინფორმაცია იმის შესახებ, რომ ამერიკის მთავრობის და უშუალოდ პრეზიდენტ ბაიდენის გადაწყვეტილებით, საქართველოს რამდენიმე ასეული ათასი დოზა „ფაიზერის“ ვაქცინა საჩუქრად გადმოეცემოდა, პრემიერ-მინისტრმა ირაკლი ღარიბაშვილმა 2 ივლისს გამართულ ბრიფინგზე განაცხადა.

17 ივლისს კი ირაკლი ღარიბაშვილმა აღნიშნა, რომ საუბარია ნახევარ მილიონ დოზაზე. ამასთან, მთავრობის მეთაურმა მოსახლეობას ვაქცინაციის პროცესში აქტიური ჩართულობისკენ მოუწოდა.

აჭარის მაუწყებელი

სოც. ადმინისტრატორი