ლექსო ლაშქარავას დღეს დაკრძალავენ

13 ივლისი 2021, 10:09 1295 ნახვა

"TV პირველის" ოპერატორს დღეს დაკრძალავენ. ლექსო ლაშქარავას გამოსვენება იოსელიანის ქუჩა #37-დან, 15:00 საათზე იქნება. "TV პირველის" ოპერატორი 11 ივლისს გარდაიცვალა.

5 ივლისს გამართულ აქციაზე ძალადობრივი ჯგუფის წევრებმა ლექსო ლაშქარავა სასტიკად სცემეს, რის შემდეგაც ის მძიმე დაზიანებებით კლინიკაში მოხვდა.

ოპერატორის გარდაცვალების ფაქტზე გამოძიება საქართველოს სისხლის სამართლის კოდექსის 115-ე მუხლით დაიწყო.

გამოძიების ინფორმაციით, მიმდინარე წლის 5 ივლისს, "თბილისი პრაიდის" წინააღმდეგ გამართული აქციის გაშუქების დროს, ინგოროყვას ქუჩაზე მდებარე ორგანიზაცია „სირცხვილიას“ ოფისში, ტელეკომპანია „ტვ 1“-ის ჟურნალისტსა და ოპერატორს, ალექსანდრე ლაშქარავას სამსახურებრივი მოვალეობის შესრულებისას ფიზიკური და სიტყვიერი შეურაცხყოფა მიაყენეს.

"TV პირველის" ოპერატორს გარდაცვალების შემდეგ, მედიის წარმომადგენლები პროტესტის ნიშნად, მთავრობის გადადგომის მოთხოვნით, აქციებს მართავენ.

ნატალი ჯახუტაშვილი

ჟურნალისტი