სინოდის სხდომის განჩინება დღეს გამოქვეყნდება
12 თებერვალი 2021, 11:42 774 ნახვასაპატრიარქოს ამ დრომდე არ გამოუქვეყნებია განჩინება წმინდა სინოდის სხდომის შესახებ. ცნობილია, რომ მღვდელმთავრებმა იმსჯელეს რამდენიმე საკითხზე, თუმცა რა გადაწყვეტილებები მიიღეს მაღალი სასულიერო იერარქიის პირებმა კონკრეტულ თემებზე ჯერაც უცნობია. ვიცით მხოლოდ ის, რომ განხილვის თემები იყო კორონავირუსის საწინააღმდეგო ვაქცინაცია, რომ საპატრიარქო არ შეზღუდავს მოქალაქეებს არჩევანში, ასევე დაადგინეს, რომ დავით გარეჯი არის ქართული ძეგლი და საზღვრის ხაზი უნდა გაევლოს 1937-1938 წლებში აზომილი და შემუშავებული გეგმების საფუძველზე დაბეჭდილი 200 ათასიანი რუკების მიხედვით. დავით გარეჯის თემაზე საპატრიარქოს ტელევიზია გადაცემათა ციკლსაც მოამზადებს. ეს არის ის გადაწყვეტილებები, რომლებიც ამ დროისთვის ცნობილია საზოგადოებისთვის. საპატრიარქოში სხდომის დასრულების შემდეგ განმარტეს, რომ რადგან სხდომაზე ბევრ საკითხზე იმსჯელეს, განჩინების ტექსტის დასრულება გუშინვე ვერ მოესწრებოდა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა