შეზღუდვები საარჩევნო პროცესებთან დაკავშირებულ ღონისძიებებს არ ეხება - ნათია მეზვრიშვილი

09 სექტემბერი 2020, 12:30 1231 ნახვა

პრემიერ-მინისტრის ადმინისტრაციის უფროსის განცხადებით ის შეზღუდვები, რომლებიც კულტურულ და სპორტულ ღონისძიებებზე დაწესდა საარჩევნო კამპანიას და პროცესებს არ ეხება.

"მიმდინარეობს წინასაარჩევნო კამპანია და ყველა ის შეზღუდვა, რომელიც ეხება კულტურულ და სპორტულ ღონისძიებებს, რომელზეც დავაწესეთ 200 კაციანი შეზღუდვა ეს რა თქმა უნდა არ ეხება საარჩევნო აგიტაციას და საარჩევნო პროცესებთან დაკავშირებულ ღონისძიებებს.

უბრალოდ გვსურს მოვუწოდოთ საარჩევნო სუბიექტებს, რომ გამოიჩინონ მაღალი სამოქალაქო პასუხისმგებლობა და მაქსიმალურად დაიცვან წესები რაც გულისხმობს 2 მეტრიანი დისტანციის დაცვას და ყველა იმ ადგილას სადაც პირბადეების ტარება სავალდებულია ეს წესები მაქსიმალურად დაიცვან"-განაცხადა ნათია მეზვრიშვილმა.

საკოორდინაციო საბჭოს გადაწყვეტილებით, ხვალიდან 200 პირზე მეტის მონაწილეობით კულტურული და სპორტული ღონისძიებები იკრძალება.

აჭარის მაუწყებელი

სოც. ადმინისტრატორი