შატილის გზაზე მგზავრებით სავსე მიკროავტობუსი 80 მეტრის სიმაღლიდან გადავარდა - გარდაცვლილია 12 მოქალაქე
23 აგვისტო 2020, 20:40 2754 ნახვა
შატილის გზაზე მგზავრებით სავსე მიკროავტობუსი 80 მეტრის სიმაღლიდან გადავარდა - ამის შესახებ ინფორმაციას შსს ავრცელებს.
დუშეთის მუნიციპალიტეტში, სოფელ ბისოს სიახლოვეს, შატილის გზაზე ავტოსაგზაო შემთხვევა მოხდა. მიკროავტობუსი კლდიდან გადავარდა. ადგილზე იმყოფება საპატრულო და კრიმინალური პოლიციის ეკიპაჟები, საგანგებო სიტუაციების მართვის სამსახურის მეხანძრე-მაშველთა ჯგუფები, სამაშველო ტექნიკა და სასწრაფო-სამედიცინო დახმარების ბრიგადები.
პირველადი ინფორმაციით, მიკროავტობუსში მყოფი 12 -ი მოქალაქე გარდაიცვალა, 3 კი მძიმედ დაშავდა. დაშავებულები მაშველებმა უსაფრთხო ტერიტორიაზე უკვე ამოიყვანეს, სასწრაფო სამედიცინო დახმარების ბრიგადას კი საავადმყოფოში გადაჰყავთ.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.
ამავე კატეგორიაში
#უსმინეთ!
#უყურეთ!
პოპულარული
ამინდი
ფოტო
20-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი - გარემო
გადასვლა პოსტზე 
მაუწყებლობა