ხმაური და დაპირისპირება აჭარის მაუწყებელთან

01 ივნისი 2020, 15:02 2217 ნახვა

ხმაური იყო საზოგადოებრივი მაუწყებლის აჭარის ტელევიზიასთან. სიტყვიერი დაპირისპირება მაუწყებლის დაცვის თანამშრომლებსა და აქციის მონაწილეებს შორის ,,მე მიყვარს ბათუმის’’ წევრის, მოშიმშილე ალექსანდრე მილორავას კარვის, შენობის შესასვლელთან დადგმას მოჰყვა. ალექსანდრე მილორავა, საზოგადოებრივი მაუწყებლის აჭარის ტელევიზიისა და რადიოს დირექტორის იმპიჩმენტის მოთხოვნით მეოთხე დღეა შიმშილობს.

დღეს ტელევიზიასთან განვითარებული პროცესების შემდეგ მაუწყებელმა განცხადება გაავრცელა, სადაც წერია, რომ შენობის წინ მიმდინარე აქცია გასცილდა -"შეკრებისა და მანიფესტაციის შესახებ კანონის მოთხოვნებს.“

სოფიკო მაკარაძე

ჟურნალისტი