ახალი კორონავირუსის დადგენა დღეიდან საქართველოშიც იქნება შესაძლებელი

04 თებერვალი 2020, 10:49 1554 ნახვა

ახალი კორონავირუსის დადგენა დღეიდან საქართველოშიც იქნება შესაძლებელი. დაავადებათა კონტროლის ეროვნული ცენტრის ინფორმაციით, ქართულ მხარეს პარტნიორებთან ჰქონდა მოლაპარაკება, რის შედეგადაც გადაწყდა, რომ საქართველო მიიღებს შესაბამის ტესტებს, რომელთა საშუალებით, ახალი კორონავირუსის დიაგნოსტირიება საქართველოშიც გახდება შესაძლებელი. დღეს მოქმედი პრაქტიკით, პაციენტის ბიოლოგიურ მასალას ჯერ ლუგარის ლაბორატორიაში იკვლევენ, სადაც ხორციელდება გამოკვლევა რამდენიმე ათეულ ვირუსზე, რომელთა შორის ახალი კორონავირუსი არ არის. იმ შემთხვევაში, თუ არც ერთი მათგანი არ დადასტურდა, მასალა საზღვარგარეთ არსებულ ლაბორატორიაში იგზავნება, რათა დადგინდეს, შეიცავს თუ არა ის ახალ კორონავირუსს.

საქართველოში ამ ეტაპზე კორონავირუსის შემთხვევა არ დაფიქსირებულა. ინფექციური საავადმყოფოს ბოქსირებულ განყოფილებაში ოთხი პაციენტია დაკვირვების ქვეშ.

აჭარის მაუწყებელი

სოც. ადმინისტრატორი