მაშველებმა, ნორვეგიის 7 და საქართველოს 2 მოქალაქე გადაარჩინეს

12 ივლისი 2019, 13:01 2090 ნახვა

ონში, სოფელ გლოლასთან, ქვის მასისა და ხეების ჩამოშლის შედეგად, გზის სავალი ნაწილი ჩაიხერგა, რის გამოც უცხოელი ტურისტების ჯგუფი გზის მეორე მხარეს ჩარჩა და გადაადგილების გაგრძელებას ვერ ახერხებდა. რამდენიმე საათიანი მუშაობის შემდეგ, მაშველებმა ნორვეგიის 7 და საქართველოს 2 მოქალაქე უსაფრთხო ადგილზე გადაიყვანეს. მეორე მხარეს ამ დრომდე, საკუთარი სურვილით, მაშველების მეთვალყურეობის ქვეშ რჩება 2 პიროვნება და 2 ავტომანქანა, რომლითაც ტურისტები გადაადგილდებოდნენ.მათ სიცოცხლეს და ჯანმრთელობას საფრთხე აღარ ემუქრება.

საგანგებო სიტუაციების მართვის სამსახურის მაშველებთან ერთად, ადგილზე მობილიზებულია საქართველოს საავტომობილო გზების დეპარტამენტის ტექნიკა. რთული მეტეოროლოგიური პირობების გამო, გზის გაწმენდითი სამუშაოები ამ დრომდე ვერ ხერხდება. სამუშაოები ამინდის გაუმჯობესებისთანავე დაიწყება.

აჭარის საზოგადოებრივი მაუწყებელი

ადმინისტრატორი

რაჭა მაშველებმა ტურისტები გადაარჩინეს