სოლიდარობა პანკისს - ბათუმსა და თბილისში აქტივისტები იკრიბებიან
21 აპრილი 2019, 15:45 5344 ნახვა
ბათუმსა და თბილისში, პანკისში მიმდინარე მოვლენებს გააპროტესტებენ. აქტივისტები პანკისელების სოლიდარობის გამოსახატავად იკრიბებიან. ბათუმში აქცია საღამოს 7 საათზე, ევროპის მოედანზეა დაგეგმილი, ხოლო თბილისში აქტივისტები უკვე იკრიბებიან პარლამენტთან.
დღეს, 21 აპრილს, პანკისში დაპირისპირება მოხდა. პანკისელები ხეობაში ჰესის მშენებლობას აპროტესტებენ. დღეს დილით, ხეობაში ჰესის მშენებარე კომპანიამ მძიმე ტექნიკა შეიყვანა, მასთან ერთად კი ხეობაში დიდი რაოდენობით სპეციალური დანიშნულების რაზმები იყვნენ მობილიზებული.
სპეცრაზმის შესვლამ ადგილობრივი მოსახლეობის აღშფოთება გამოიწვია. სამართალდამცველებსა და ადგილობრივებს შორის დაიწყო დაპირისპირება, მოქალაქეები ქვებითა ადა ჯოხებით იბრძოდნენ, სამართალდამცველები კი რეზინის ტყვიებს, ცრემლსადენ გაზს.
არიან დაშავებულები და დაკავებულებიც, ამ ეტაპზე დაზუსტებული ინფორმაცია არ ვრცელდება. დამწვარია პოლიციის მანქანა და ჰესის მშენებარე კომპანიის ტრაქტორები.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა