სოფელ ჯიხანჯურის მოსახლეობას ორი დღეა სასმელი წყალი არ მიეწოდება

09 ნოემბერი 2018, 00:00 1506 ნახვა

სოფელ ჯიხანჯურის მოსახლეობას ორი დღეა სასმელი წყალი არ მიეწოდება, ადგილობრივებმა მიზეზი არი იციან და არც აქვთ ინფორმაცია როდის აღუდგებათ წყალმომარაგება. მოსახლეობა ყვება, რომ ეს პრობლემა სოფელში ხშირად არის და სასმელად წყალს სოფლის წყაროდან ბოთლებით ეზიდებიან. ადგილობრივები დახმარებას ითხოვენ. აიპი „ქობულეთის სოფლის წყალში“ აცხადებენ, რომ წყლის მიწოდება შუქის გათიშვის გამო ტექნიკურად შეფერხდა. რაც შეეხება ზოგადად წყამომარაგების პრობლემას, ჯემალ გოლიაძე ირწმუნება, რომ სოფელში სისტემა გამართულად მუშაობს, მისივე თქმით დღეს მხოლოდ ერთ ობიექტზე იყო შეფერხება რაც ფილტრის გაწმენდას უკავშირდებოდა.

სოფიკო მაკარაძე

ჟურნალისტი