ბავშვები ქუჩაში

02 მარტი 2018, 00:00 5207 ნახვა

ბავშვის უფლებების კიდევ ერთი აშკარა დარღვევის ფაქტი საქართველოში – ფეისბუქში გავრცელდა ვიდეო, სადაც ჩანს, როგორ იგერიებს ახალგაზრდა ქალი ბავშვის გამოყენებით კაცს, ფაქტობრივად ესვრის მცირეწლოვანს.

ჩანს ჩხუბი და მოქალაქეები, რომლებიც მოზარდის დასაცავად არაფერს აკეთებენ – კადრები რამდენიმეწამიანია და არ ასახავს სრულ სურათს. ფაქტს სახალხო დამცველის აპარატი იკვლევს.

ვიდეომ ისევე, როგორც ცოტა ხნის წინ, 3 წლის მოზარდის მიერ, უფროსების წაქეზებით სიგარეტის მოწევის ფაქტმა, კრიტიკა გამოიწვია საზოგადოებაში. ბავშვთა უფლებების დაცვის ორგანიზაციებში ამბობენ, რომ პრობლემა სახელმწიფოსთან ერთად, რომელიც ვერ იცავს მოზარდის უფლებებს, საზოგადოებაშიცაა.

თამუნა გაზდელიანი

ჟურნალისტი