ხულოში 150 ოჯახი ელექტროენერგიის გარეშეა დარჩენილი

30 იანვარი 2018, 00:00 2104 ნახვა

ხულოში ელექტროენერგია 2 სოფლის 150-მდე აბონენტს არ მიეწოდება. დენის გარეშეა დარჩენილი უჩხოსა და წაბლანას მოსახლეობა. უხვმა ნალექმა ელექტროგადამცემი ხაზები დააზიანა. მაღალი ზონის სოფლებში თოვლის საფარმა 20 სანტიმეტრს მიაღწია. უშუქობის გამო, სააღმზრდელო პროცესი 3 საბავშვო ბაღში შეჩერდა.

კომპანია ‘’ენერგო-პრო ჯორჯიას’’ წარმომადგენლების განცხადებით, სამუშაოები უკვე დაწყებულია.

უამინდობამ პრობლემები შექმნა გადაადგილების კუთხითაც. რამდენიმე სოფელში მიმოსვლა მხოლოდ მაღალი გამავლობის ავტომობილებითაა შესაძლებელი. აჭარის საგზაო დეპარტამენტის ცნობით, გზებს 10 ერთეული ტექნიკა წმენდს.

სოფიკო შავაძე

ჟურნალისტი