ავარიის შედეგად ქვეითად მოსიარულე კაცი გარდაიცვალა
04 იანვარი 2018, 00:00 15255 ნახვაავტოსაგზაო შემთხვევას ერთი ადამიანის სიცოცხლე ემსხვერპლა, ორი კი დაშავდა. ავარია, რამდენიმე წუთის წინ, ბათუმში აეროპორტის გზატკეცილზე მოხდა. ერთმანეთს ორი ავტომობილი შეეჯახა. გარდაცვლილია ქვეითად მოსიარულე, ახალგაზრდა კაცი, რომელიც ავტოსაგზაო შემთხვევის დროს, ბენზინგასამართ სადგურთან ახლოს იმყოფებოდა.
სასწრაფო სამედიცინო დახმარების ცენტრის მედიკოსების განცხადებით, დაზარალებულები ბათუმის საუნივერსიტეტო კლინიკასა და რეფერალურ საავადმყოფოში გადაიყვანეს.
ექიმების ინფორმაციით, დაშავებულებს პირველადი დათვალიერებით ნეკნების დაზიანება აღენიშნებოდათ. ასევე ჰქონდათ ჭრილობები თავის არეში.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276 მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა