ბათუმში, მომხდარ ავტოსაგზაო შემთხვევაში ეჭვმიტანილი მძღოლი დაკავებულია

27 ივნისი 2017, 00:00 7303 ნახვა

ბათუმში, მომხდარ ავტოსაგზაო შემთხვევაში ეჭვმიტანილი მძღოლი დაკავებულია. ინფორმაციას შინაგან საქმეთა სამინისტროში ადასტურებენ.

ავტოსაგზაო შემთხვევა თამარ მეფის გამზირზე დღეს დილით მოხდა.საავტომობილო გზაზე მსუბუქი ავტომობილი 9 წლის ბიჭს დაეჯახა.მედიკოსთა ბრიგადას მოზარდი შემთხვევის ადგილას გარდაცვლილი დახვდა.

ფაქტზე გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც ავტომობილის ექსპლუატაციის წესების დარღვევას გულისხმობს, რასაც მსხვერპლი მოჰყვა. ისჯება თავისუფლების აღკვეთით ვადით ოთხიდან შვიდ წლამდე.