ილია დარჩიაშვილი კანადის ელჩს შეხვდა
10 სექტემბერი 2024, 17:29 57 ნახვა
საქართველოს საგარეო საქმეთა მინისტრ ილია დარჩიაშვილსა და საქართველოში კანადის დანიშნულ ელჩს (რეზიდენციით ქ. ანკარა), კევინ ჰამილტონს შორის შეხვედრა გაიმართა.
საგარეო საქმეთა სამინისტროს ინფორმაციით, შეხვედრაზე მხარეებმა განიხილეს ორ ქვეყანას შორის არსებული ურთიერთობების საკითხთა ფართო სპექტრი. უწყების ცნობით, განსაკუთრებული ყურადღება გამახვილდა მრავალმხრივ ფორმატებში თანამშრომლობის გაღრმავების პერსპექტივებზე.
„შეხვედრის ფარგლებში, ელჩმა კევინ ჰამილტონმა კიდევ ერთხელ დაადასტურა კანადის ურყევი მხარდაჭერა საქართველოს სუვერენიტეტის, ტერიტორიული მთლიანობისა და ევრო-ატლანტიკური ინტეგრაციისადმი. მხარეებმა, დაადასტურეს ქვეყნებს შორის არსებული ნაყოფიერი თანამშრომლობის გაგრძელებისა და კიდევ უფრო გააქტიურების მზადყოფნა“, – ნათქვამია საგარეო უწყების ინფორმაციაში.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
საქართველოს ზოგიერთ რაიონში, მაღალი ტემპერატურის ფონზე, მოსალოდნელია ხანმოკლე წვიმა და ელჭექი - გარემო
გადასვლა პოსტზე 
მაუწყებლობა