აქციის მონაწილეები ამ დროისთვის 9 აპრილისა და ზუბალაშვილების ქუჩებზე იმყოფებიან
13 მაისი 2024, 06:50 509 ნახვა
აქციის მონაწილეთა ნაწილი ამ დროისთვის რუსთაველის გამზირისა და 9 აპრილის ქუჩის კვეთასთან, ხოლო ნაწილი ჭიჭინაძისა და ზუბალაშვილების ქუჩების კვეთასთან იმყოფება. ადგილზე იმყოფებიან სხვადასხვა ოპოზიციური პარტიის ლიდერებიც.
სამართალდამცველები ნელი სვლით, ცოცხალი ჯაჭვით დაიძრნენ პარლამენტის უკანა შესასვლელის მხრიდან 9 აპრილის ქუჩის მიმართულებით, რის შემდეგაც აქციის მონაწილეებმა უკან დაიხიეს და 9 აპრილის ქუჩით რუსთაველის გამზირის მიმართულებით გადაადგილდნენ.
ადგილზე მოხდა რამდენიმე ინციდენტიც. აქციის მონაწილეთა ნაწილი სამართალდამცველების მისამართით სხვადასხვა ნივთს ისროდა. აქციის მონაწილეთა ნაწილი სხვა მონაწილეებს მოუწოდებდა, არ ესროლათ სამართალდამცველების მისამართით სხვადასხვა ნივთი.
აქციის მონაწილეები მათი მისამართით სკანდირებენ: „მონებო“, „მონებო“.
ამ დროისთვის პარლამენტის უკანა შესასვლელი თავისუფალია.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა