ოკუპირებულ ლუგანსკში ნავთობბაზა იწვის
11 მაისი 2024, 09:03 393 ნახვასამი ადამიანი დაიღუპა და რვა დაშავდა უკრაინის თავდაცვის ძალების თავდასხმის შედეგად ოკუპირებულ ლუგანსკის ოლქში. 4 დაშავებულის მდგომარეობა მძიმეა. თავდასხმა ქალაქ როვენკის ნავთობბაზაზე განხორციელდა. აფეთქებას მასშტაბური ხანძარი მოჰყვა. ამის შესახებ ტელეგრამ-არხზე თვითგამოცხადებული ლუგანსკის სახალხო რესპუბლიკის გუბერნატორმა დაწერა. მისი თქმით, ეს ბოლო სამი დღის განმავლობაში მეორე ასეთი თავდასხმა იყო. ორივე შემთხვევაში, პასეჩნიკმა, მტკიცებულების გარეშე, თქვა, რომ უკრაინამ გამოიყენა აშშ-ის მიერ მიწოდებული ატაკამის ტიპის არმიის ტაქტიკური სარაკეტო სისტემები.
რუსი ოკუპანტები აკონტროლებენ ლუგანსკის რეგიონის დიდ ნაწილს, თუმცა არა მთლიანად. ეგრეთწოდებული ლუგანსკის სახალხო რესპუბლიკა ერთ-ერთია იმ ოთხი რეგიონიდან, რომელთა ანექსია რუსეთმა 2022 წელს უკრაინაში სრულმასშტაბიანი შეჭრის შემდეგ გააფორმა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა