უკრაინული დრონებით თავდასხმა მოხდა თათრეთის სამრეწველო ზონაზე

02 აპრილი 2024, 13:02 291 ნახვა

თათრეთის ქალაქებში  დრონებით თავდასხმის შედეგად  დაშავებულია შვიდი ადამიანი, მათ შორის, ორი არასრულწლოვანია.  რუსული მედიის განცხადებით,  ეს თათრეთში დრონებით  შეტევის პირველი შემთხვევაა.

გავრცელებული  ინფორმაციით, ორი დრონი სამრეწველო ზონაში საერთო საცხოვრებელს მოხვდა. მეორე დრონის სამიზნე  ნავთობგადასამუშავებელი ქარხანა იყო. ადგილობრივი ხელისუფლების თქმით, უპილოტო საფრენი აპარატი გაანეიტრალეს და ის არ აფეთქებულა.

უკრაინული მედიის ინფორმაციით კი, დრონი თათრეთში, ნიჟნეკამსკის ნავთობგადასამუშავებელი ქარხნის ტექნოლოგიურ ინსტალაციას მოხვდა, რის შემდეგაც, ხანძარი გაჩნდა. მეხანძრეებმა ცეცხლი 20 წუთში ჩააქრეს.

გუგული ბერიძე
ჟურნალისტი

ამავე კატეგორიაში