ამორტიზებული ვარშანიძის ქუჩა

31 იანვარი 2024, 14:38 370 ნახვა

ამორტიზებული ქუჩა და დაზიანებულ მონაკვეთებში სახელდახელოდ ჩაწყობილი საბურავები - ასეთი სურათია ბათუმში მამია ვარშანიძის ქუჩაზე. მძღოლებს მდგომარეობა არაერთ პრობლემას უქმნის. გვიყვებიან, რომ დაზიანებულ მონაკვეთებზე გადაადგილება დისკომფორთან ერთად სახიფათოცაა, ავტომობილიც ზიანდება და საცობებიც ხშირია. ორმოები ამ ქუჩის ერთადერთი პრობლემა არაა.

ბათუმის მერიის კეთილმოწყობის სამმართველოში აცხადებენ, რომ ვარშანიძის ქუჩის სრული რეაბილიტაცია განხორციელდება, სამუშაობი ამ ეტაპზე ხახულის ქუჩაზე მიმდინარეობს, რის შემდეგაც ვარშანიძის ქუჩაზე გადაინაცვლებს.

დაიგება ასფალტის საფარი, მოეწყობა ტროტუარები, გარე განათება, სანიაღვრე არხები. ვარაუდობენ, რომ პროექტი 2025 წლისთვის დასრულდება.

აჭარის საზოგადოებრივი მაუწყებელი

ადმინისტრატორი