საქართველოს მართლმადიდებელი ეკლესია 12 მოციქულის ხსენების დღეს, სვეტიცხოვლობას აღნიშნავს
13 ივლისი 2023, 11:33 611 ნახვასაქართველოს მართლმადიდებელი ეკლესია დღეს 12 მოციქულს იხსენებს. სვეტიცხოვლის საკათედრო ტაძარში სადღესასწაულო წირვა-ლოცვას პატრიარქის მოსაყდრე მეუფე შიო წმინდა სინოდის წევრებთან და სამღვდელოებასთან ერთად აღავლენს.
წმინდა სახარების მიხედვით, იესო ქრისტემ 12 მოციქული გამოარჩია. მათგან ერთმა, იუდა ისკარიოტელმა გასცა. შემდგომ მის ნაცვლად უფალმა მატათა მოციქული გამოარჩია, რომელმაც საქართველოში იქადაგა. ამ დღეს ეკლესია წმინდა მოციქულებს: პეტრეს და მის ძმას, ანდრიას, იაკობსა და მის ძმას, იოანეს, ფილიპეს, ბართლომეს, თომას, მათეს, იაკობ ალფესს, იუდა იაკობისას (თადეოზისა), სიმონ მოშურნეს და მატათას იხსენიებს.
სვეტიცხოვლობა წელიწადში ორჯერ, 14 ოქტომბერს და 13 ივლისს აღინიშნება. 14 ოქტომბერს ეკლესია ქრისტეს კვართს იხსენიებს, 13 ივლისს კი – ქრისტეს ყველა მოციქულს.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა