ენმ აჭარის ფინანსთა და ეკონომიკის სამინისტროს კორუფციულ გარიგებაში ადანაშაულებს

26 აპრილი 2023, 14:16 890 ნახვა

''ერთიანი ნაციონალური მოძრაობის'' ქობულეთის საკრებულოს წევრები სადგურის მიმდებარე ტერიტორიაზე შეუსრულებელ საინვესტიციო პირობებზე საუბრობენ. ისინი ქობულეთის მერიას და აჭარის ფინანსთა და ეკონომიკის სამინისტროს კერძო ინვესტორთან კორუფციულ გარიგებაში ადანაშაულებენ.

ოპოზიციის წევრების ინფორმაციით, ტერიტორია აჭარის ფინანსთა და ეკონომიკის სამინისტრომ 4 წლის წინ კერძო პირზე მილიონი ლარის ინვესტიციის განხორციელების პირობით გასცა, უნდა აშენებულიყო სავაჭრო ცენტრი. სანაცვლოდ კი ტერიტორიაზე მცირე ზომის თუნუქის კონსტრუქციისგან აგებული ჯიხურები დაიდგა.

აჭარის ფინანსთა და ეკონომიკის სამინისტროში გვითხრეს, რომ აღნიშნული ობიექტის განკარგვა ელექტრონული პირობებიანი აუქციონის ფორმით მოხდა. გამარჯვებული პირი ხელშეკრულებით ნაკისრი ვალდებულებების ვადებში შესრულებას ახორციელებს.

ობიექტი 2027 წელს უნდა მოეწყოს, ასევე უნდა განახორციელოს 1 მლნ ლარის ინვესტიცია.

ლევან ურიდია

ჟურნალისტი