სამზადისი ზაფხულის ტურისტული სეზონისთვის

13 აპრილი 2023, 12:00 582 ნახვა

რეგიონში ტურიზმის მიმართულებით მიმდინარე პროექტები, განახლებული ტურისტული პროდუქტები და მოახლოვებული სეზონის მოლოდინები - ეს იყო მთავარი საკითხები, რომლებზეც ტურიზმის სექტორის წარმომადგენლებთან აჭარის მთავრობის თავმჯდომარემ ისაუბრა. სამუშაო ტიპის შეხვედრაზე დაანონსდა ზაფხულის ფესტივალის გამართვის თარიღიც.

ითქვა, რომ სეზონის გახსნასთან დაკავშირებული ფესტივალი წელს ორდღიანი იქნება და 3-4 ივნისს გაიმართება.

წელს ბათუმში ისეთი საერთაშორისო ტურისტული და სპორტული ღონისძიებები გაიმართება, როგორიცაა World Trawel Awards-ის დაჯილდოების ღონისძიება, ევროპის სოფლის ტურიზმის გენერალური ასამბლეა, ფეხბურთის 21 წლამდელთა ევროპის ჩემპიონატი, 18 წლამდელთა ჭადრაკის მსოფლიო ჩემპიონატი და ქალთა შორის ხმლით ფარიკაობაში მსოფლიო თასის გათამაშება.

აჭარის საზოგადოებრივი მაუწყებელი

ადმინისტრატორი