ბათუმის ბულვარში დაჭრილი ახალგაზრდა კაცი გარდაიცვალა
19 ოქტომბერი 2022, 11:15 4963 ნახვაბათუმის ბულვარში დაჭრილი ახალგაზრდა კაცი გარდაიცვალა.
კლინიკა "მედცენტრში" აჭარის მაუწყებელს განუცხადეს, რომ გუშინ მომხდარი ფაქტის შედეგად საავადმყოფოში შემოყვანილი 3 პაციენტიდან ერთი გარდაიცვალა, ორი კი საავადმყოფოდან უკვე გაეწერა.
შემთხვევა, გუშინ ღამით, ბულვარის ცენტრალურ შესასვლელთან, ერთ-ერთ რესტორანში მოხდა. გავრცელებული ინფორმაციით, შენობაში მყოფს მანქანიდან ესროლეს. სროლის დროს ჩაიმსხვრა მინები, რის შედეგადაც დაშავდა კიდევ 2 ადამიანი. მათ მედიკოსების დახმარება დასჭირდათ.
რაც შეეხება ცეცხლსასროლი იარაღით დაჭრილ მამაკაცს - მის მდგომარეობას ექიმები კრიტიკულად აფასებდნენ.
შინაგან საქმეთა სამინისტროს ინფორმაციით, ბათუმში მომხდარი მკვლელობის საქმის გამოძიების ფარგლებში დაკავებული 4 პირი. ფაქტზე გამოძიება დაწყებულია საქართველოს სისხლის სამართლის კოდექსის 19-109-ე და სსკ-ის 236-ე მუხლებით.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა