ომი უკრაინაში

23 აგვისტო 2022, 10:46 522 ნახვა

ვითარება უკრაინაში, ზაპოროჟიეს ატომური ელექტროსადგურის ტერიტორიაზე კვლავ მძიმეა. გვიან ღამით რუსეთის შეიარაღებულმა ძალებმა ელექტროსადგურზე იერიში მიიტანეს, რის შედეგად დაიღუპა 1 ადამიანი.

ოკუპირებული ენერგოდარის მერის ინფორმაციით, კი ოკუპანტები თავდასხმაში უკრაინულ მხარეს ადანაშაულებენ. ამის პარალელურად, რუსეთის პარლამენტი 25 აგვისტოს ზაპოროჟიეს ატომური ელექტროსადგურის ირგვლივ არსებულ სიტუაციასთან დაკავშირებით სხდომას გამართავს, ასევე ითხოვს გაერო-ს უშიშროების საბჭოს საგანგებო სხდომის გამართვასაც.

გვიან ღამით ოკუპანტებმა იერიში მიიტანეს დნეპროპეტროვსკზე, ოლქი 4-ჯერ დაბომბეს, ამ დროისთვის ინფორმაცია 1 გარდაცვლილის შესახებ ვრცელდება. ბოლო ინფორმაციით, ნიდერლანდები უკრაინას დამატებით 80 მილიონ ევროზე მეტი ღირებულების დახმარებას გაუწევს.

უკრაინის გენერალური შტაბის განახლებული მონაცემების მიხედვით, 24 თებერვლიდან დღემდე რუსეთმა უკვე 45 550 ჯარისკაცი დაკარგა.

ანა ვაშაყმაძე

ჟურნალისტი