პოლიციამ 21 წლის ახალგაზრდა ინტერნეტ თაღლითობისთვის დააკავა

16 ივნისი 2019, 12:10 6438 ნახვა

აჭარაში, პოლიციამ 21 წლის ახალგაზრდა დააკავა, რომელიც „ფეისბუკზე“ ყალბ გვერდებს ქმნიდა და მათ მეგობრებს „კრისტალბეთის“ ანგარიშზე ფულს არიცხინებდა. გამოძიების ინფორმაციით, დაკავებულმა 2018 წლის დეკემბრიდან მაისის ჩათვლით 20-მდე მომხმარებლის ყალბი „ფეისბუქ“-გვერდი შექმნა და მათ მეგობრებს, თაღლითური გზით, „კრისტალბეთის“ ანგარიშზე ფული ჩაარიცხინა.ბრალდებული ჯამში 8 000 ლარის ოდენობის თანხას მართლსაწინააღმდეგოდ დაეუფლა.

სამართალდამცველებმა, დაკავებულის საცხოვრებელი ბინის ჩხრეკისას, მობილური ტელეფონი და პლასტიკური ბარათები ამოიღეს, რომელთა გამოყენებითაც სოციალურ ქსელში თანხას თაღლითურად ისაკუთრებდა და ანაღდებდა. დანაშაული 4-დან 7 წლამდე ვადით თავისუფლების აღკვეთას ითვალისწინებს.

აჭარის მაუწყებელი
სოც. ადმინისტრატორი

ამავე კატეგორიაში