ევროკავშირი გარემოსთვის - წყლის რესურსები და გარემოსდაცვითი მონაცემები განხორციელება დაიწყო

18 აპრილი 2022, 20:07 8774 ნახვა

ევროკავშირი გარემოსთვის - წყლის რესურსები და გარემოსდაცვითი მონაცემები განხორციელება დაიწყო

პროექტი ითვალისწინებს წყლის რესურსების მართვის კუთხით არსებული პოლიტიკის, ახალი რეფორმების და ადგილობრივ დონეზე მათი განხორციელების მხარდაჭერას, ასევე, წყლის რესურსების, ჰაერის ხარისხის, მიწათსარგებლობისა და ნარჩენების მიმართულებით არსებული მდგომარეობის შესახებ სანდო მონაცემებსა და ინფორმაციაზე ხელმისაწვდომობის გაუმჯობესებას.

თემასთან მიმართებაში, დასმულ კითხვებზე  გადაცემაში გვპასუხობს - გარემოს დაცვისა და სოფლის მეურნეობის სამინისტროს, გარემოსა და კლიმატის ცვლილების დეპარტამენტის უფროსი ნინო თხილავა.

ეკოსამყარო

რა ღონისძიებებითაა შესაძლებელი აზიური ფაროსანასთან ბრძოლა და რამდენად მნიშვნელოვანია უსაფრთხოების ნორმების დაცვა -ამ და სხვა კითხვებზე სასაუბროდ გადაცემის სტუმარია - აჭარის სოფლის მეურნეობის სამინისტროს აგრარული განვითარების დეპარტამენტის უფროსი მამუკა თურმანიძე.
წინა გადაცემაში ჩვენ უკვე ვისაუბრეთ, რომ გარემოს დაცვას 2016 წლიდან მეთევზეობისა და ზღვის მონიტორინგის დეპარტამენტი შეემატა. მიმოვიხილეთ დეპარტამენტის ფუნქციები და განსახორციელებელი გეგმები, ახალი სამოქმედო სტრატეგიები, გარემოსდაცვით ნაწილში, რომლებსაც პირდაპირ გვავალებს ევროპასთან ასოცირების ხელშეკრულება. გადაცემის მეორე ნაწილში საუბარს ვაგრძელებთ, როგორც ასოცირების თემასთან დაკავშირებულ სიახლეებზე, ასევე ზღვის რესურსების გონივრულ გამოყენებაზე. გადაცემაში ვსაუბრობთ საქართველოში არსებული უნიკალური თევზების განადგურების თემაზეც.
გადაცემის თემა - მეთევზეობა და ზღვის ეკოლოგიური მდგომარეობა. სტუმარი - მეთევზეობისა და ზღვის მონიტორინგის დეპარტამენტის უფროსი ბიოლოგიის მეცნიერებათა დოქტორი არჩილ გუჩმანიძე. აღნიშნული დეპარტამენტი გარემოს ეროვნული სააგენტოს შემადგენლობაშია და ის 2016 წლის ბოლოს ჩამოყალიბდა. როგორც ცნობილია, ევროპასთან ასოცირების ხელშეკრულება გარემოსდაცვით ნაწილში ბუნებრივი რესურსების მართვას ითვალისწინებს. საერთო ჯამში კი ეს ყველაფერი ეკოლოგიის გაჯანსაღებას შეუწყობს ხელს. ვნახოთ რა სიახლეები გვაქვს ამ მხრივ, რა სახის კვლევები ხდება და როგორი სიტუაცია გვაქვს დღეისათვის
დღეს ბათუმის ზოოპარკში შექმნილ პრობლემებზე ვისაუბრებთ. გადაცემის სტუმარი კი ტურისტული ობიექტების მართვის სააგენტოს ხელმძღვანელი ალექსანდრე თევზაძე იქნება. ,,ზოოპარკის ვოლიერები ციხის საკნებივითაა: გისოსებშემორტყმულ მცირე სივრცეში ცხოველები მეტლახზე ცხოვრობენ, ვოლიერების სახურავები კი მათ სივრცეს კიდევ უფრო ავიწროებს. ვერ ხედავდნენ ცას და აქვთ გადაადგილების მინიმალური საშუალება, მსგავმა მოპყრობამ კი მიგვიყვანა არსებულ სიტუაციამდე, აცხადებენ ბათუმის პარკის ადმინისტრაციაში. ვნახოთ რა სიტუაციაა ამ მომენტისთვის ზოოპარკში და რა ცვლილებები იგეგმება სამომავლოდ
რას ნიშნავს ,,ევროპული სტანდარტის“ ნაგავსყრელი და რას გულისხმობს ნარჩენების მართვის ახალი სისტემა, რომლის დანერგვაც იგეგმება საქართველოში. საქართველოს მყარი ნარჩენების მართვის კომპანიის დირექტორის მრჩეველი ხათუნა ჩიკვილაძე გვეტყვის ამ ყველაფერზე. ასევე მოვისმენთ საზოგადოების აზრს - ,,ვცხოვრობთ თუ არა სუფთა გარემოში", რაში ხედავს ირგვლივმყოფები გამოსავალს.
გარემოს ეროვნული სააგენტოს უფროსი თამარ ბაგრატია - ჰაერის დაბინძურების ძირითად ფაქტორებზე, თუ სად არის ყველაზე მეტად არაჯანსაღი ეკოლოგიური მდგომარეობა ამ მხრივ და რა აბინძურებს ჰაერს საქართველოში ყველაზე მეტად. რამდენად ვდგავართ რეალურად პრობლემის წინაშე. გამოკითხვა - რამდენადაა მოსახლეობისთვის პრობლემური, ჰაერის დაბინძურება ჩვენს ქვეყანაში და რას თვლიან ისინი დაბინძურების ძირითად წყაროდ.
ფსიქოლოგი ნანა ჩაჩუა - ,,ადამიანისა და ბუნების ურთიერთობა" 21-საუკუნის ეკოლოგიური აზროვნება კატასტროფულ მდგომარეობაშია. როდესაც ერთი ხის დარგვა, პიარის თემად იქცევა, ეს არის გამანადგურებელი კულტურისათვის, სწორედ ეს არის ადამიანის აუგი დამოკიდებულება ღირებულებების მიმართ.
ეკოლოგიური მრავალფეროვნება საქართველოში - გადაცემაში, პირველ რიგში შევეხებით საქართველოს ეკოლოგიურ მრავალფეროვნებას, რომელზეც ილიას სახელმწიფო უნივერსიტეტის საბუნებისმეტყველო მეცნიერებათა და საინჟინრო ფაკულტეტის დეკანი, ეკოლოგი დავით თარხნიშვილი ისაუბრებს. გადაცემის მეორე ნაწილში- წმ. ანდრია პირველწოდებულის ქართული უნივერსიტეტის პროფესორი, გამოყენებით ეკოლოგიაში- ვახტანგ გვახარიას მოვუსმენთ - რომელიც ეკოლოგიის შინაარსობრივ დატვირთვაზე მოგვიყვება. ასევე მოვისმენთ მოსახლეობის აზრს თუ რამდენად შემაწუხებელია მათთვის გარემოს დაბინძურება.
მაინც რითაა ბუნება მშვენიერი? წყლით, მიწით, ხეებით, სუფთა ჰაერით, ულამაზესი ცით, მეტი რაღა უნდა უნდოდეს ადამიანს და თუ ესეც არ იკმარა?! რათქმაუნდა იგი მას ანადგურებს, წვავს, ჭრის, და საბოლოოდ რა გვრჩება? სიცარიელე! ამიტომაც სანამ ნამდვილადაც რომ მშვენეიერია ჩვენი ბუნება იქამდე გავუფრთხილდეთ და დავიცვათ იგი! საინტერესოა რას უსურვებს სამყაროს ჩვენი თანაქალაქელები და რა სათქმელი აქვთ მათ თითოეულ ადამიანთან...
პესტიციდი და აგროქიმიკატი, საფრთხე რომელსაც ვერ ვგრძნობთ პესტიციდი და აგროქიმიკატი, ეკოლოგიური დაბინძურება, ჯანმრთელობისთვის საფრთხის შემქმნელი პროდუქტები და ლაბორატორიების არ არსებობა. გადაცემის პირველ ნაწილში - ჩვენი სტუმარია ბათუმის შოთა რუსთაველის სახელმწიფო უნივერსიტეტის ბიომრავალფეროვნებისა და ფიტოპათოლოგიის ინსტიტუტის მეცნიერ თანამშრომელი ქეთინო სიხარულიძე. მთვარისა ქობალია სოფლის მეურნეობის სამინისტროს საინფორმაციო საკონსულტაციო ცენტრის მცენარეთა დაცვის მიმართულებით მთავარის სპეციალისტი უპასუხებს ჩვენს კითხვებს. ასევ, სურსათის კვლევის დეპარტამენტის უფროსი მარიამ ღვინჯილია გვიპსასუხებს რამდენად სწორად ხდება ლაბორატორიაში კვლევები და აქვთ თუ არა საერთოდ შესაბამის ხელსაწყოები ზუსტი ნორმების განსაზღვრისთვის.
ჩვენს ირგვლივ არსებული გარემო ყოველდღიურად ნაბიჯ-ნაბიჯ იცვლება, ამ ცვლილებებზე პასუხისმგებელი კი უპირველესად ადამიანია. ცივილიზაციის განვითარებამ თავისთავად მოიტანა საჭირიობა აუცილებელი ცვლილებებისა. კერძოდ, მიუხედავად იმისა, რომ ეკონომიკურად და სოციალურად მნიშვნელოვანია აღმავალი ევოლუცია, მას თავის მხრივ გააჩნია უარყოფითი მხარეებიც. სწორედ ამ პრობლემებზე ვისაუბრებთ დღეს, ბათუმის შოთა რუსთაველის სახელობის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის მეცნიერ თანამშრომელ ქეთინო სიხარულიძესთან ერთად
რა თვისებებითა და მრავალფეროვნებით გამოირჩევა ბულვარის ტერიტორია და რა როლი აქვს ეკოლოგიური გარემოს გაუმჯობესების თვალსაზრისით გარდა იმისა, რომ შეგვიძლია დავისვენოთ, ძალები აღვიდგინოთ და დავტკბეთ ბულვარის სხვადასხვა კუთხის სილამაზით. ამ ყველაფრის შესახებ ბათუმის ბულვარის დირექტორი ეთერ მაჭუტაძე გვეტყვის,
საქართველოს თითქმის ყველა რეგიონში წაბლის უნიკალურ ხეებს ენდოტიოზი, იგივე წაბლის კიბო ანადგურებს. დაავადების გავრცელებას ხელი შეუწყო ლიცენზიანტების დაუდევრობამ და კონტროლის შესუსტებამაც შეუწყო, რის გამოც საქართველოს წაბლის დიდი ნაწლი განადგურდა. რა ზარალს აყენებს წაბლის კიბო ტყეებსა და ეკონომიკას და სად არის გამოსავალი? ,,ეკოსამყაროს“ ეთერში სატელეფონო ხაზზეა ეროვნული სატყეო სააგენტოს ტყის მოვლა-აღდგენის დეპარტამენტის უფროსის მოადგილე, ქალბატონი ნათია იორდანიშვილი. გადაცემის მეორე ნაწილში შექმნილ პრობლემასთან დაკავშირებით - ვასილ გულისაშვილის სახელობის სატყეო ინსტიტუტის მთავარ მეცნიერ-თანამშრომელს, პროფესორ ბიძინა თავაძეს მოვუსმენთ.
ევროპასთან ინტეგრაცია კლიმატური ცვლილების თვალსაზრისით | გადაცემი სტუმარი: ნინო თხილავა - საქართველოს გარემოსა და ბუნებრივი რესურსების დაცვის სამინისტრო - გარემოსდაცვითი პოლიტიკისა და საერთაშორისო ურთიერთობების დეპარტამენტის უფროსი. საქართველოს ახალგაზრდა მეცნიერთა საზოგადოების მამარდაშვილის ფილოსოფიის ინსტიტუტის ერთ-ერთი დამფუძნებელი, ფსიქოლოგი ნონა ხიდეშელი - მოვისმენთ შეფასებას ,,ადამიანი და ბუნება“, როგორც ერთი მთლიანობა. რა იწვევს ჩვენს გულგრილ დამოკიდებულებს იმ სამყაროსადმი, რის გარეშეც სიცოცხლე უბრალოდ შეუძლებელი იქნებოდა.
4 დეკემბერი - „6 მაისის“ პარკში არსებული ტბის პრობლემები გასულ წელს, ბათუმის ცენტრალურ პარკში, თანამშრომლებმა ტბის რეგულარული წმენდის დროს, წყალმცენარეების რაოდენობის ინტენსიური მატება შენიშნეს. დღის განმავლობაში კი ტბის ზედაპირი სქელი მასით დაიფარა. მეთევზეები, რომლებიც ტბაზე ამ დრომდე თევზაობენ აღნიშნულის შესახებ გააფრთხილეს, თუმცა ისინი არ წყვეტენ თევზაობას. რა ზომები მიიღო წყლის გაწმენდის მხრივ პარკის ადმინისტრაციამ და როგორი მდგომარეობაა ამ დროისათვის ტბაზე, თემაზე მერიის ტურისტული ობიექტების მართვის სააგენტოს ხელმძღვანელი ალექსანდრე თევზაძე ისაუბრებს.