რომელ ფრინველსა თუ ცხოველზეა დაშვებული ნადირობა, რა შეზღუდვები არსებობს ამ მხრივ და როგორი რეგულაციები გვაქვს, ამ ყველაფერზე, გადაცემაში საუბრობს - გარემოსა და ბუნებრივი რესურსების დაცვის სამინისტროს, გარემოსდაცვითი დეპარტამენტის ბიომრავალფეროვნების დაცვის სამსახურის უფროსი - მაია ჩხობაძე.

დღეს ბედნიერი დღეა - ახალი წელი, ახალი მოლოდინი, ახალი რეალობა, გილოცავთ! სანამ ნამდვილადაც, რომ მშვენიერია ჩვენი ბუნება - გავუფრთხილდეთ და დავიცვათ... საინტერესოა რას უსურვებს სამყაროს ჩვენი თანაქალაქელები და რა სათქმელი აქვთ მათ თითოეულ ადამიანთან, მოვუსმინოთ მათ...

საქართველოში არაბიოდეგრადირებადი პოლიეთილენის პარკების წარმოება და იმპორტი იკრძალება! ცვლილება თავდაპირველად ერთეულ პარკებს შეეხო და ის ძალაში ოქტომბრიდან შევიდა, თუმცა დაწესდა მოსამზადებელი პერიოდი. მრავალჯერადი პარკები 2019 წლის 1 იავრიდან აიკრძალება, სწორედ სამომავლო გეგმებზე გვექნება დღეს საუბარი, რომელსაც სტუმართან ერთად განვიხილავთ - გარემოს დაცვისა და სოფლის მეურნეობის მინისტრის მოადგილე ნინო თანდილაშვილი საუბრობს პირდაპირ ეთერში

18 დეკემბერს საქართველოში შავი ზღვის სანაპიროზე სამეცნიერო კვლევითი გემი შემოვა. თურქული გემი ქართულ სანაპიროზე, საქართველოს წყლებში თევზის რესურსებს მაღალი სიზუსტით შეაფასებს და ამისთვის სანაპიროს სარეწაო რესურსების აკუსტიკურ კვლევას ანუ ექოსაუნდინგს განახორციელებს. რატომ ახლა, რატომ თურქული გემი და რა მონაცემები გვაქვს წინა კვლევებიდან? ამ ყველაფერზე ანდრო ასლანიშვილი - გარემოს ეროვნული სააგენტოს უფროსი საუბრობს.

გლობალური დათბობის გავლენა კლიმატზე და ადამიანის როლი დათბობის ტენდენციაზე - თემაზე საუბრობს გარემოსა და ბუნებრივი რესურსების დაცვის სამინისტროს კლიმატოლოგი- კახა მდივანი

მსოფლიოში ყველაზე ხელუხლებელი, ცოცხალი სფაგნუმიანი ტორფნარი ქობულეთის სანაპიროდან სულ რაღაც სამასიოდე მეტრში შეგიძლიათ იხილოთ. ის თითქოს ტბაა ნიადაგის ზედაპირის ზემოთ, რომელსაც საბანივით ახურავს 25-45 სმ სისქის სფაგნუმი, რომელიც არასდროს იფარება წყლით. მომავალ სამოქმედო გეგმაზე და კიდევ რა უნიკალური თვისებები გააჩნია ტორფნარს ამის შესახებ, გადაცემაში კოლხეთის ტორფნარებისა და წყლის ეკოსისტემის კონსერვაციის განყოფილების უფროსი იზოლდა მაჭუტაძე გვეტყვის.

ევროპასთან ინტეგრაციის შემდეგ რა შეიცვალა ჩვენს ქვეყანაში, რა სამომავლო გეგმები გვაქვს, საინტერესოა რა ხდება ახლა! ეკოსამყაროს სტუმარია გარემოს დაცვის სპეციალისტი ნინო სულხანიშვილი.

,,საქართველოს ბიომრავალფეროვნების შენარჩუნება და რეგულაციები, რომელიც ბუნებაში ნადირობას უფრო მეტ შეზღუდვას უწესებს“ ეს არის დღევანდელი ჩვენი გადაცემის თემა, რომელზეც - გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტის ბიომრავალფეროვნების დაცვის სამსახურის უფროსი, მაია ჩხობაძე ისაუბრებს.

31 ოქტომბერს შავი ზღვის დაცვისა და რეაბილიტაციის სტრატეგიულ მოქმედებათა გეგმის ხელის მოწერის დღე იყო, რომელიც 1996 წლიდან ყოველწლიურად აღინიშნება, როგორც შავი ზღვის საერთაშორისო დაცვის დღე. იმავე წელს ასევე შავი ზღვის რეაბილიტაციისა და დაცვის სტრატეგიულ მოქმედებათა გეგმასაც მოეწერა ხელი. აღნიშნულ გეგმაზე ხელისმოწერით საქართველოს, რუმინეთის, უკრაინის, ბულგარეთის, რუსეთის ფედერაციისა და თურქეთის რესპუბლიკას დაეკისრათ შავი ზღვის ეკოსისტემების რეაბილიტაციის, დაცვისა და ბუნებრივი რესურსების მდგრადი გამოყენების ვალდებულება. თუ რა კეთდება პრობლემების გადასაჭრელად, წყლის ეკოსისტემის შესანარჩუნებლად, ასევე EMBLAS-ის ფარგლებში ჩატარებული კვლევების შესახებ, რომელიც ითვალისწინებს „შავი ზღვის გარემოს მონიტორინგის გაუმჯობესება”ს, ამ ყველაფრის შესახებ და თუ რა მნიშვნელობა აქვს ინდივიდუალურ ძალისხმევას ზღვის წყლის დაცვის პროცესში - გარემოს დაცვისა და სოფლის მეურნეობის სამინისტროს, გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტის უფროსი არჩილ გუჩმანიძე საუბრობს.

კავკასიაში, ისევე როგორც მსოფლიოს მრავალ რეგიონში, მეტად მწვავედ დგას ეკოლოგიური პრობლემები. დღეს გადაცემის მთავარი თემაა, როგორ გავაუმჯობესოდ ეკოლოგიური გარემო ჩვენს ირგვლივ და რა ეკოლოგიური საფრთხეები აქვს საქართველოს. ამ საკითხებზე გიორგი დვალაშვილი საუბრობს - გეომორფოლოგი, თბილისის სახელმწიფო უნივერსიტეტის პროფესორი, ასევე მოვისმინეთ საზოგადოების აზრს მთავარ კითხვაზე ,,როგორ გავაუმჯობესოდ ეკოლოგიური გარემო“ ...

ბოლო დღეებში არაერთი განცხადება მოვისმინეთ ჰაერის დაბინძურებაზე, ასევე მოვისმინეთ საპარლამენტო კვლევის ფარგლებში ეკოვიჟენის ანალიზის შედეგები, რომ დედაქალაქში და ზოგადად რეგიონებშიც ტყვიის შემცვლელობა არ არის იმდენად მაღალი ჰაერში, რამდენადაც მტვერის მინი ნაწილაკების შემცვლელობა. საქართველოს გარემოს დაცვისა და სოფლის მეურნეობის მინისტრის მოადგილე ნინო თანდილაშვილი გვეტყვის ჰაერის ამჟამინდელ ხარისხზე, ახალ კვლევებსა და მონიტორინგზე.

კლიმატის ცვლილების უარყოფითი შედეგები, სტიქიური პროცესების გააქტიურება საქართეველოში, შეიცვალა თუ არა კლიმატის ცვლილებასთან მიმართებაში მიდგომა ასოცირების ხელშეკრულების ფარგლებში, ამ ყველაფერზე კახა მდივანი საუბრობს გადაცემაში - გარემოსა და ბუნებრივი რესურსების დაცვის სამინისტროს, კლიმატის ცვლილების სამსახურის მთავარი სპეციალისტი.

საქართველოში გარემოსთვის ზიანის მიყენების შემცირების მიზნით, პოლიეთილენის პარკების ნაწილი 2018 წლის 1-ლი ოქტომბრიდან აიკრძალა, ამ თემასთან დაკავშირებით მოვისმენთ რას ფიქრობს საზოგადოება, ასევე როგორ შეიტანენ სიახლეს მეპატრონეები სავაჭრო ადგილებში. გადაცემის სტუმარი კი გარემოს დაცვისა და სოფლის მეურნეობის სამინისტროს, ნაჩენებისა და ქიმიური ნივთიერებების მართვის დეპარტამენტის უფროსი ალბერტ ჩანქსელიანია, რომელიც გვეტყვის რამდენად შეამცირებს გარემოს პოლიეთილენით დაბინძურების დონეს ეს აკრძალვა და ზოგადად რამდენად ღრმად აზიანებს ეკოსამყაროს ეს საშუალება.

სოფლის მეურნეობის განვითარების სტრატეგია. რეკომენდაციებს მოგვცემს და კვლევების შედეგს გაგვაცნობს - ,,ფერმერთა ასოციაციის“ ხელმძღვანელი ნინო ზამბახიძე და გიგლა მიქაუტაძე,,რეფორმეტრის“ კოორდინატორი და აისეტის მკვლევარი.

ჰაერის ხარისხის მდგომარეობის შესახებ, მოსახლეობა ინფორმაციას ყოველკვირეულად მიიღებს, აღნიშნულთან დაკავშირებით, გარემოს ეროვნული სააგენტო უწყვეტ მონიტორინგს ავტომატური სადგურების საშუალებებით ახორციელებს. როგორია უახლოესი შედეგები და რამდენად მნიშვნელოვანიაა მოქალაქეებისთვის ამ ინფორმაციის მიწოდება, ამის შესახებ გარემოს დაცვისა და სოფლის მეურნეობის მინისტრის მოადგილე, ნინო თანდილაშვილი საუბრებს.

უკვე შემოდგომაა, მცენარის სასიცოცხლო პროცესები თანდათან სუსტდება, იცვლება მათი მოვლის წესებიც. რა უნდა გავითვალისწინოთ იმისათვის, რომ არა მარტო ვიზუალურად ლამაზი ოთახის მცენარეები არ დაგვიზიანედეს, სასოფლო სამეურნეო კულტურებსაც მივაქციოთ სათანადო ყურადღება, ამ ყველაფერზე საუბრობს - ბათუმის შოთა რუსთაველის სახელობის უნივერსიტეტის ფიტოპათოლოგიისა და ბიომრავალფეროვნების ინსტიტუტის მეცნიერ თანამშრომელი ქეთევან სიხარულიძე.