კრიმინალები გატაცებული სამხედროების ოჯახს უკავშირდებოდნენ და მათი ტყვეობიდან დახსნის სანაცვლოდ ფულს სთხოვდნენ - უკრაინაში თაღლითური სქემა გამოვლინდა.

უსაფრთხოების სამსახურის სპიკერის ცნობით, ამ დროისთვის დაკავებულია რამდენიმე პირი, თაღლითური სქემის მონაწილე სხვა პირების გამოსავლენად კი გამოძიება გრძელდება.

ზაპოროჟიეში გამოააშკარავეს თავდამსხმელები, რომლებიც უკრაინის შეიარაღებული ძალების ჯარისკაცების ოჯახის წევრებს უკავშირდებოდნენ და ტყვეობიდან გათავისუფლების სანაცვლოდ თანხას სთხოვდნენ.

სქემის ორგანიზატორი მამაკაცი აღმოჩნდა, რომელიც ამჟამად დროებით ოკუპირებულ მარიუპოლში იმყოფება. ის ცოტა ხნის წინ გამოვიდა ციხიდან. გარდა ამისა, ზაპოროჟიეში მას ჰყავდა პარტნიორი, რომელიც პასუხისმგებელია ფინანსურ კომპონენტზე და უზრუნველყოფდა მობილურ ზარებს, მუდმივად ცვლიდა ნომრებს და საკომუნიკაციო ოპერატორებს.

ქვეყნის უსაფრთხოების სამსახური მოსახლეობას აფრთხილებს,  რომ გატაცებული სამხედროების გათავისუფლება ქვეყნის ხელისუფლების პრეროგატივაა.