უკრაინული პორტების განაღმვისას რუსეთი ზღვიდან თავდასხმას არ განახორციელებს - პუტინი
04 ივნისი 2022, 11:47 1084 ნახვაუკრაინის საგარეო საქმეთა მინისტრი დმიტრო კულება, ოდესის პორტიდან ექსპორტის პირობების აღდგენაზე საუბრობს. მისი თქმით, უკრაინა მზადაა, ექსპორტის აღსადგენად შექმნას პირობები ოდესის პორტიდან, თუმცა როგორ უნდა აიცილონ თავიდან რუსეთის მხრიდან ამ სავაჭრო გზის გამოყენების ალბათობა ეს საკითხავია.
კულებას განცხადებით, ოფიციალური კიევი გაეროს-თან და პარტნიორებთან ერთად ვარიანტების ძიებას აგრძელებს.
რაც შეეხება რუსეთის პრეზიდენტის პოზიციას უკრაინიდან მარცვლეულის ექსპორტთან დაკავშირებით, ვლადიმერ პუტინის განცხადებით, ამ საკითხთან მიმართებით პრობლემა არ არსებობს.
რუსულ მედიასთან ინტერვიუში აღნიშნა, რომ მარცვლეულის ექსპორტს რუსეთი ხელს არ უშლის, ამასთან ექსპორტის რამდენიმე გზაზეც ისაუბრა.
დაამატა, რომ უკრაინული პორტების განაღმვისას რუსეთი ზღვიდან თავდასხმას არ განახორციელებს.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა