ავიაკომპანია „კონდორ ეარლაინსმა“ ფრანკფურტი-თბილისი-ფრანკფურტის მიმართულებით ფრენები დაიწყო

02 მაისი 2022, 10:21 1654 ნახვა

საქართველოს ავიაბაზარზე ოპერირება ახალმა ავიაკომპანიამ, „კონდორ ეარლაინსმა“ (Condor Airlines) დაიწყო. საქართველოს აეროპორტების გაერთიანებამ გერმანულ ავიაკომპანიასთან მოლაპარაკებები წარმატებით დაასრულა.

„კონდორ ეარლაინსი“ პირდაპირ რეგულარულ ფრენებს ფრანკფურტი-თბილისი-ფრანკფურტის მიმართულებით კვირაში ორი სიხშირით განახორციელებს. პირველი რეისით 140-მდე მგზავრი ჩამოფრინდა საქართველოში.

სამოქალაქო ავიაციის სააგენტოს ინფორმაციით, ავიაკომპანიის მიერ წარმოდგენილი ფრენის განაცხადის შესაბამისად, ფრანკფურტი - თბილისი - ფრანკფურტის საჰაერო ხაზზე ფრენები 28 ოქტომბრის ჩათვლით, კვირაში 2 სიხშირით, ყოველ ორშაბათსა და პარასკევს განხორციელდება.

აჭარის მაუწყებელი

სოც. ადმინისტრატორი