ვაქცინაციის ტემპი დაბალია მაღალმთიანეთში

12 იანვარი 2022, 14:27 949 ნახვა

ვაქცინაციის ტემპი დაბალია მაღალმთიანეთში. ქედის ევექსის კლინიკაში დღეში მხოლოდ 20-მდე ადამიანი იცრება. ვაქცინაციის ცენტრში აცრის დაწყების დღიდან, ამ დრომდე 6 ათასამდე აცრა ჩატარდა.

სამედიცინო დაწესებულებაში 10 კოვიდინფიცირებული მკურნალობს. მათი მდგომარეობა საშუალო სიმძიმისაა.

ვაქცინაციის პუნქტებს სულ ცოტა მსურველი აკითხავს ხულოშიც. მუნიციპალიტეტში დღის განმავლობაში მხოლოდ 12-მდე მოქალაქე იცრება, რაც კლინიკის მენეჯერის ინფორმაციით, ძალიან დაბალი მაჩვენებელია სხვა პერიოდთან შედარებით.

მაგალითად შემოდგომაზე, როგორც ექიმი გვეუბნება, ყოველდღიურად 100-მდე ადგილობრივი იტარებდა აცრას, ახლა კი ძირითადად მხოლოდ ბუსტერ დოზების გასაკეთებლად მიდიან.

შესაბამისად, ნაკლებია პირველი და მეორე დოზის მსურველები.

ლენა მამულაძე

ჟურნალისტი