სომხეთში აუცრელ მოქალაქეებს კოვიდ-19-ის წინააღმდეგ მკურნალობა არ დაუფინანსდებათ

14 დეკემბერი 2021, 15:31 941 ნახვა

სომხეთში აუცრელ მოქალაქეებს კორონავირუსით დაინფიცირების შემთხვევაში საავადმყოფოში მკურნალობის საფასურის გადახდა საკუთარი ჯიბიდან მოუწევთ. სომხეთის ჯანდაცვის სამინისტროში 1-ელი თებერვლიდან კოვიდ-19-ზე აუცრელი მოქალაქეებისთვის კორონავირუსის საწინააღმდეგო სტაციონარული მკურნალობის საფასურის შემოღებაზე მსჯელობენ. ინფორმაციას სომხური მედია ავრცელებს. არავაქცინირებულებს კოვიდ-19-ის მკურნალობა 800 ათასი დრამი ანუ ათას 700 ამერიკული დოლარი დაუჯდება. ქვეყანაში ვაქცინაციის მაჩვენებლები ძალიან დაბალია და ამ გადაწყვეტილებით სამინისტრო ვაქცინაციის პროცესის გააქტიურებას ცდილობს. სომხეთში, გასული დღე-ღამის განმავლობაში, კორონავირუსის 161 ახალი შემთხვევა გამოვლინდა. გარდაიცვალა 26 კოვიდპაციენტი.

გუგული ბერიძე

ჟურნალისტი