დაძაბული ვითარება ავღანეთში

27 აგვისტო 2021, 18:22 1023 ნახვა

ავღანეთში კვლავ დაძაბული ვითარებაა. თავდასხმების სერიების ფონზე ექსპერტები საქართველოსთან მიმართებაში თალიბების მხრიდან შესაძლო საფრთხეებზე საუბრობენ. ამას კი საქართველოსა და ამერიკის მოკავშირეობით ხსნიან.გუშინ ქაბულის აეროპორტზე მომხდარი თავდასხმის შედეგად 90-მდე ადამიანი დაიღუპა, 250-ზე მეტი კი დაშავდა. დაღუპულთა შორის იყვნენ ამერიკელი სამხედრო მოსამსახურეები.ჯო ბაიდენის განცხადებით,ტერორისტული აქტის მიუხედავად, აშშ გააგრძელებს ამერიკელების, ვაშინგტონის მოკავშირე ქვეყნების მოქალაქეებისა და ავღანელების ევაკუაციას. ავღანეთიდან გასული დღის განმავლობაში 12 500-მდე ადამიანის ევაკუირება განხორციელდა, - შესაბამის მონაცემებს თეთრი სახლი ავრცელებს.ამასთან, მათივე ცნობით, 14 აგვისტოდან დღემდე ავღანეთიდან 105 000-მდე ადამიანია გაყვანილი.

თემო სალუქვაძე
ჟურნალისტი

ამავე კატეგორიაში