''ფაიზერით'' ვაქცინაცია დღეს დაიწყო

16 ივლისი 2021, 10:38 1202 ნახვა

''ფაიზერით'' ვაქცინაცია საქართველოს ოთხ ქალაქში, ბათუმში, თბილისში, გორსა და ქუთაისში, დღეს დაიწყო. პირველ ეტაპზე ვაქცინაცია 7 სამედიცინო დაწესებულებაში ტარდება.

„ამტელ ჰოსპიტალ პირველი კლინიკური“;

„კავკასიის მედიცინის ცენტრი“;

„აკადემიკოს ნიკოლოზ ყიფშიძის სახელობის საუნივერსიტეტო კლინიკა“;

„ივ.ბოკერიას სახელობის ჰოსპიტალი“;

ბათუმში „რესპუბლიკური კლინიკური საავადმყოფო“;

ქუთაისში „დასავლეთ საქართველოს სამედიცინო ცენტრი“;

გორში „გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალი“.

სამინისტროს ინფორმაციით, "ფაიზერის" ვაქცინაციისთვის საჭირო 2 დოზა, 21-28 დღის ინტერვალით კეთდება.

ქვეყანაში 28 000 დოზა ვაქცინა შემოვიდა, რომელიც 14 000 მოქალაქისთვის არის საკმარისი. რეგისტრაცია 14 ივლისს დაიწყო, თუმცა პორტალზე არსებული ხარვეზის გამო საიტი რამდენიმე საათის განმავლობაში გათიშული იყო.

აჭარის მაუწყებელი

სოც. ადმინისტრატორი