ჟურნალისტური ეთიკის ქარტიის განცხადება

11 ივლისი 2021, 15:10 1184 ნახვა

დადგეს შინაგან საქმეთა მინისტრისა და ხელისუფლების პოლიტიკური პასუხისმგებლობის საკითხი, დაისაჯოს ყველა დამნაშავე- განცხადებას საქართველოს ჟურნალისტური ეთიკის ქარტია ავრცელებს.

მათ რიგი მოთხოვნები აქვთ: ხელისუფლებამ დაუყოვნებლივ მიიღოს ზომები, რათა შეწყდეს ორგანიზებული ძალადობა მედიაზე; დაისაჯონ ძალადობრივი აქციის არამარტო მონაწილეები, არამედ ორგანიზატორებიც; ეფექტურად მოხდეს მედიაზე ორგანიზებული თავდასხმის 50-მდე ფაქტზე რეაგირება; დაიწყოს მედიის მისამართით გაჟღერებულ მუქარის შემცველ შეტყობინებებზე მოკვლევა; ხელისუფლებამ დაუყოვნებლივ შეწყვიტოს სიძულვილის ენით საუბარი მედიასთან, დაიცვას კანონი და ჟურნალისტები; ქარტია მიიჩნევს, რომ ხელისუფლებამ არ მიიღო სათანადო ზომები ძალადობის აღსაკვეთად და რიგ შემთხვევებში მაღალი რანგის სახელმწიფო მოხელეების განცხადებებმა წაახალისა კიდეც ძალადობრივი ჯგუფების ქმედებები.

აჭარის საზოგადოებრივი მაუწყებელი

ადმინისტრატორი