ბობოყვათის მოსახლეობამ 20 სექტემბრამდე პროტესტი შეწყვიტა

10 ივლისი 2021, 18:10 1318 ნახვა

23 დღიანი საპროტესტო აქციების შემდეგ ბობოყვათში საპროტესტო აქცია შეწყდა. აქციის მონაწილეები მთავრობისგან მოთხოვნების შესრულებას 20 სექტემბრამდე ითხოვენ , წინააღმდეგ შემთხვევაში პერმანენტულ აქციებს აანონსებენ, აქციის შეწყვეტის მიუხედავად კარვების დაშლას ამ ეტაპზე არ გეგმავენ.

დღეს მათ ''სტრატეგია აღმაშენებლის'' თავმჯდომარე შეხვდა , გიორგი ვაშაძემ აქციის მონაწილეებს სექტემბრიდან პარლამენტში მისვლა და საპარლამენტო ტრიბუნის გამოყენება ურჩია, ასევე მის გუნდში გაწევრიანება და თვითმმართველობის არჩევნებში მონაწილეობა შესთავაზა. ცნობისთვის , აქციის მონაწილეები მიწების დაკანონებას ითხოვენ, აცხადებენ, რომ აღნიშნული ტერიტორია მათ წინაპრებს ეკუთვნოდა და ამის დამადასტურებელი საარქივო მასალა გააჩნიათ.

აჭარის საზოგადოებრივი მაუწყებელი

ადმინისტრატორი