ამერიკის საელჩო: მხარს ვუჭერთ ლგბტქ+საზოგადოებას, გამოიყენოს გამოხატვისა და შეკრების თავისუფლება

05 ივლისი 2021, 11:45 859 ნახვა

საქართველოში ამერიკის შეერთებული შტატების სალჩო აქვეყნებს განცხადებას, რომელშიც აღნიშნულია, რომ მხარს უჭერენ ყველა ქართველის თავისუფლებას, მათ შორის ლგბტქი+ საზოგადოებას, გამოიყენონ თავიანთი გამოხატვისა და შეკრების თავისუფლება არაძალადობრივი გზით.

''შეერთებული შტატები განაგრძობს საქართველოს მთავრობისა და სამოქალაქო საზოგადოების წევრების მხარდაჭერას, შეასრულონ საკუთარი ვალდებულება ყველა მოქალაქის ადამიანის უფლებების დასაცავად

საქართველოს კონსტიტუციითა და კანონებით ყველა მოქალაქეს გარანტირებული აქვს თანასწორობისა და ღირსების უფლება, და სექსუალური ორიენტაციისა თუ გენდერული იდენტობის მიუხედავად საკუთარი პიროვნების თავისუფლად განვითარების უფლება'' - წერია განცხადებაში.

ელჩი კელი დეგნანი რამდენიმე სამოქალაქო საზოგადოების ორგანიზაციის ლიდერს შეხვდა, რათა საქართველოში ადამიანის უფლებების განვითარებაში მათი საქმიანობისადმი აშშ-ის მხარდაჭერა გამოეხატა.

აჭარის მაუწყებელი

სოც. ადმინისტრატორი