თავისუფლების მოედანზე საზეიმო ღონისძება საბრძოლო თვითმფრინავების გადაფრენით დასრულდა

26 მაისი 2021, 12:44 1124 ნახვა

თავისუფლების მოედანზე 26 მაისთან დაკავშირებული საზეიმო ღონისძიება დასრულდა.

დამოუკიდებლობის დღისადმი მიძღვნილი ღონისძიების ბოლოს საბრძოლო თვითმფრინავებმა გადაიფრინეს და საქართველოს დროშის ფერებში ფერადი კვამლი გაუშვეს.

თბილისის გარდა, სუ-25-ის ტიპის საბრძოლო თვითმფრინავებმა ქუთაისისა და ბათუმის ცაზეც გადაიფრინეს.

თავისუფლების მოედანზე წარმოდგენილი იყო „დელტას“ მიერ წარმოებული ქართული ჯავშანმანქანები - „დიდგორი მეომარი“, „დიდგორი მედევაკი“ „დიდგორი 3“, რომელიც პრემიერ-მინისტრ ირაკლი ღარიბაშვილის თავდაცვის მინისტრობის დროს, მისივე გადაწყვეტილებით, თავდაცვის ძალების ქვედანაყოფებში გასულ შემოდგომაზე გადანაწილდა .

ასევე გამოფენილი იყო ქართულ შეიარაღებაში არსებული უცხოეთში წარმოებული სამხედრო ჯავშანტრანსპორტიორები - „ჰამერი“, MaxPro, „ვულფი“ და საარტილერიო დანადგარები - „დანა“, ზალპური ცეცხლის რეაქტიული სისტემა „ლარ–160“, ჰაერსაწინააღმდეგო მანქანა „ატლასი“, ჯავშანმანქანები.

აჭარის მაუწყებელი

სოც. ადმინისტრატორი