ხვალ ბათუმის დინამო თბილისის დინამოს ახალ არენაზე დაუპირისპირდება
07 მაისი 2021, 12:47 1127 ნახვახვალ,ბათუმის ახალ სტადიონზე ბათუმის დინამო თბილისის დინამოს მიიღებს. შეიძლება ითქვას, რომ ეს არა მარტო ტურის, არამედ ეროვნული ჩემპიონატის მთავარი შეხვედრაა. ამ მომენტისთვის სატურნირო ცხრილში თბილისის დინამო 25 ქულით ლიდერობს, ზღვისპირელები მეტოქეს 3 ქულით ჩამორჩებიან და მეორე პოზიციაზე იმყოფებიან. ბოლო შეხვედრა ბათუმელებმა ახალ სტადიონზე 26 ნოემბერს ლოკომოტივის წინააღმდეგ მაყურებლების გარეშე გამართეს. ხვალ კი სტადიონის კარი გულშემატკივრებისთვის გაიღება და ხანგრძლივი პაუზის შემდეგ, ქომაგები შეძლებენ საკუთარი გუნდის მხარდაჭერას. შეგახსენებთ, რომ ამ გუნდების ბოლო დაპირისპირება 9 მარტს თბილისში, ბათუმელთა გამარჯვებით 1:0 დასრულდა. მატჩი ადგილობრივი დროით 20:15 წუთზე დაიწყება და მას აჭარის საზოგადოებრივი მაუწყებელი პირდაპირ ეთერში შემოგთავაზებთ.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა