ბოჭორიშვილის კლინიკაში სამი ახალი პაციენტია მოთავსებული, აქედან ერთი ექვსი წლის ბავშვია

10 აპრილი 2020, 10:46 1117 ნახვა

ბოჭორიშვილის კლინიკის სამეთვალყურეო საბჭოს თავმჯდომარის ინფორმაციით, სამედიცინო დაწესებულებაში კორონავირუსით ინფიცირებული სამი ახალი პაციენტია მოთავსებული.

მაკა სოლოღაშვილის თქმით, ერთი ეროვნული ბანკის კლასტერიდანაა, ორი კი გუშინ ბათუმში დადასტურებული შემთხვევაა.

„ერთი ახალი დაინფიცირებული 30 წლამდე მამაკაცია და მისი ჯანმრთელობის მდგომარეობა დამაკმაყოფილებელია. დანარჩენი ორი პაციენტი კი არის გუშინ ბათუმში დადასტურებული შემთხვევა, 40 წლის ქალი და ექვსი წლის ბავშვი, დედა-შვილი, რომლებიც თბილისში, სწორედ ბოჭორიშვილის სახელობის კლინიკაში გადმოიყვანეს. მათი მდგომარეობა დამაკმაყოფილებელია. რაც შეეხება ახალგაზრდა ქალის მეუღლეს და კიდევ ერთ შვილს, ისინი ბათუმში, საკარანტინო სივრცეში რჩებიან. სულ ბოჭორიშვილის კლინიკაში 16 ინფიცირებული რჩება, მათგან შვიდი არასრულწლოვანია“, – განაცხადა სონღულაშვილმა.

მისივე თქმით, ინფიცირებულთაგან ორის მდგომარეობაა საყურადღებო.

აჭარის მაუწყებელი

სოც. ადმინისტრატორი